మీ నగరం యొక్క మంచిని కోరుకోండి

షేర్ చెయ్యండి:

“ఇశ్రాయేలు దేవుడును సైన్యముల కధిపతియునగు యెహోవా తన ప్రేరేపణచేత బబులోనునకు చెరతీసికొని పోబడినవారికందరికి ఈలాగు ఆజ్ఞ ఇచ్చుచున్నాడు. ఇండ్లు కట్టించుకొని వాటిలో నివసించుడి, తోటలు నాటి వాటి ఫలములను అనుభవించుడి,… నేను మిమ్మును చెరగొనిపోయిన పట్టణముయొక్క క్షేమముకోరి దానికొరకు యెహోవాను ప్రార్థన చేయుడి, దాని క్షేమము మీ క్షేమమునకు కారణమగును”. (యిర్మీయా 29:4–5, 7)

బబులోనులోని పరదేశులుగా ఉన్న దేవుని ప్రజల విషయంలో అది నిజమైతే, ఈ “బబులోనూ లాంటి” లోకములోని క్రైస్తవ పరదేశులు విషయంలో ఇది మరింత నిజం. అలాంటప్పుడు మనం ఏం చేద్దాం?

మనము చేయవలసిన పనులను చేయాలి: ఇండ్లు కట్టించుకొని వాటిలో నివసించుడి, తోటలు నాటి వాటి ఫలములను అనుభవించుడి. మీరు కేవలం మనుషులను సంతోషపెట్టడానికి అందరికీ చూపించడం కోసం సేవ చేయకుండా నిజమైన రాజు కోసం చేస్తే అవి మిమ్మల్ని అపవిత్ర పరచవు.

దేవుడు నిన్ను పంపిన ప్రదేశం యొక్క క్షేమం కోరుకోండి. దేవుడు తన మహిమ కోసం అక్కడికి పంపించాడని ఆలోచించండి. ఎందుకంటే మీరు నిజంగానే అందుకోసం పంపబడ్డారు.

మీ నగరం కోసం ప్రభువుకు ప్రార్థించండి. గొప్ప మరియు మంచి విషయాలు నగరానికి జరగాలని అడగండి. అవి దేవుని శక్తితో, ఆయన మహిమ కోసం జరగాలని అడగండి. నగరానికి భౌతిక శ్రేయస్సు కంటే వెయ్యి రెట్లు ఎక్కువ అవసరం అయిన ఆత్మీయ విషయాల పట్ల దృష్టిని కోల్పోకండి. క్రైస్తవులు అన్ని బాధల గురించి శ్రద్ధ వహిస్తారు – ముఖ్యంగా శాశ్వతమైన బాధలు. ప్రతి నగరం ఎదుర్కొంటున్న అతి పెద్ద ప్రమాదం అదే.

కానీ దేవుడు లేదా ఆయన ప్రజలు నగరం యొక్క ఆరోగ్యం, భద్రత, శ్రేయస్సు మరియు స్వేచ్ఛ పట్ల ఉదాసీనంగా లేరు. మనందరికీ ఈ విషయాలు కావాలి, “నిన్ను వలె నీ పొరుగువారిని ప్రేమించుము” అని యేసు చెప్పాడు (మత్తయి 22:39). వాస్తవానికి, మీ నగరాన్ని ప్రేమించడం మిమ్మల్ని మీరు ప్రేమించుకోవడానికి ఒక మార్గం అని యిర్మీయాలో ప్రభువు చెప్పాడు: “దాని సంక్షేమంలో మీరు మీ సంక్షేమాన్ని కనుగొంటారు.”

మనం యాత్రికుల ధోరణిని వదులుకోవాలని దీని అర్థం కాదు. క్రైస్తవులు అనేవారు “యాత్రికులు మరియు పరదేశులు” అని పేతురు చెప్పారు (1 పేతురు 2:11) మరియు “మన పౌరసత్వం పరలోకంలో ఉంది” (ఫిలిప్పీయులు 3:20) అని పౌలు చెప్పాడు. వాస్తవానికి, ఈ ప్రపంచానికి దాని మోసపూరిత ఆకర్షణల నుండి స్థిరమైన స్వేచ్ఛను అందించడం ద్వారా మనం చాలా మంచి చేస్తాము. “రాబోయే నగరం” (హెబ్రీయులు 13:14) నుండి మనం విలువలను పొందడం ద్వారా మన నగరానికి ఉత్తమంగా సేవ చేస్తాము. “పైనున్న యెరూషలేము” (గలతీయులకు 4:26) పౌరులుగా ఉండేందుకు వీలైనన్ని ఎక్కువ మంది పౌరులను పిలవడం ద్వారా మన నగరానికి మేలు చేస్తాం.

కాబట్టి, మనం జీవిద్దాం – స్థానికులు మన రాజును కలవాలని కోరుకునేలాగా చాలా మంచి పనులు చేద్దాం (1 పేతురు 2:12) –