విభజించగలిగిన దేవుని వాక్యపు శక్తి

షేర్ చెయ్యండి:

“ఎందుకనగా దేవుని వాక్యము సజీవమై బలముగలదై రెండంచులుగల యెటువంటి ఖడ్గముకంటెను వాడిగా ఉండి, ప్రాణాత్మలను కీళ్లను మూలుగను విభజించునంతమట్టుకు దూరుచు, హృదయముయొక్క తలంపులను ఆలోచనలను శోధించుచున్నది”. (హెబ్రీ 4:12)

దేవుని వాక్యమే మనకున్న ఏకైక నిరీక్షణ. దేవుని వాగ్దానాలను గురించిన శుభవార్త, ఆయన తీర్పుకు సంబంధించిన హెచ్చరికలు అనేవి నా హృదయపు అడుగు భాగాన్ని విభజించుకుపోవడానికి మరియు పాపపు అబద్ధాలన్నీ నిజమైన అబద్ధాలేనని నాకు చూపించేంత పదునైనవి, సజీవంగా ఉండేవి, విభజించునంతగా చురుకుగా ఉండేవి. 

గర్భస్రావం నాకు అద్భుతమైన భవిష్యత్తును సృష్టించదు. మోసం చేయడమో, రెచ్చగొట్టే దుస్తులు ధరించడమో, నా లైంగిక పవిత్రతను జారవిడుచుకోవడమో, పనిలో నిజాయితీ లేకపోవడమో, విడాకులు తీసుకోవడమో, ప్రతీకారం తీర్చుకోవడమో అనేవి అద్భుతమైన ప్రజ్వల భవిషత్తును సృష్టించి ఇవ్వవు. ఈ మోసము నుండి నన్ను రక్షించేది దేవుని వాక్యమే. 

దేవుని వాగ్దానం యొక్క వాక్యం మన హృదయాలలో సంతృప్తికరమైన ఆనందాల ముసుగులో ఉన్న పాపపు పురుగులపై ప్రకాశవంతమైన ఉదయపు సూర్యకాంతిని వెదజల్లే గొప్ప కిటికీని తెరవడం వంటిది. మీ హృదయాన్ని దేవుని నుండి దూరం చేయడానికి మరియు మీ హృదయాన్ని కఠినపరచడానికి మరియు మిమ్మల్ని నాశనం చేయడానికి ప్రయత్నించే లోతైన మోసాలనుండి మిమ్మల్ని సంరక్షించడానికి దేవుడు మీకు ఆయన సువార్తను, ఆయన వాగ్దానాలను, ఆయన వాక్యాన్ని ఇచ్చాడు. 

నమ్మడానికి పోరాటం చేయడంలో మీరు మంచి ఉత్సాహంతో ఉండండి. ఎందుకంటే దేవుని వాక్య౦ సజీవమైనది, క్రియాశీలమైనది, రెండు అంచుల ఖడ్గ౦ క౦టే పదునైనది, అది పాపానికి సంబంధించిన ఎటువంటి మోసం కన్నా లోతుగా విభజించుకుపోయి, నిజ౦గా ఏది విలువైనది, ఏది నమ్మదగినది, ఏది ప్రేమి౦చదగినది అని వెల్లడి చేస్తుంది.