యేసు నీ ఓర్పును కొన్నాడు

షేర్ చెయ్యండి:

“ఈ గిన్నె మీకొరకు చిందింపబడుచున్న నా రక్తము వలననైన క్రొత్త నిబంధన.” (లూకా 22:20)

యిర్మీయా 31 మరియు 32లో చాలా స్పష్టంగా వాగ్దానం చేయబడిన కొత్త నిబంధన, యేసు రక్తం ద్వారా అందుబాటులోకి వచ్చింది మరియు భద్రపరచబడింది. మెస్సీయ అయిన యేసును విశ్వసించే దేవుని ప్రజల విషయంలో కొత్త నిబంధన నిజమైంది, ఎందుకంటే దానిని స్థాపించడానికి యేసు మరణించాడు.

మరియు క్రీస్తుకు చెందిన వారందరికీ కొత్త నిబంధన ఏమి ఇస్తుంది? అంతం వరకు విశ్వాసంలో పట్టుదల.

యిర్మీయా 32:40 వినండి,

“నేను వారికి మేలు చేయుట మానకుండునట్లు నిత్యమైన నిబంధనను వారితో చేయుచున్నాను; వారు నన్ను విడువకుండునట్లు వారి హృదయములలో నా యెడల భయభక్తులు పుట్టించెదను.”

శాశ్వతమైన నిబంధనలో – అనగా కొత్త నిబంధనలో – ” వారు నన్ను విడువకుండునట్లు వారి హృదయములలో నా యెడల భయభక్తులు పుట్టించెదను” అనే విడదీయరాని వాగ్దానం ఉంది. వారు విడువకుండునట్లు. వారు విడువరు. క్రీస్తు తన రక్తంతో ఈ నిబంధనను ముద్రించాడు. మీరు విశ్వాసం ద్వారా యేసుక్రీస్తులో ఉన్నట్లయితే ఆయన మీ పట్టుదలను కొనుగోలు చేశాడు.

మీరు ఈ రోజు విశ్వాసంలో పట్టుదలతో ఉన్నట్లయితే, మీరు యేసు రక్తానికి రుణపడి ఉంటారు. మీ విశ్వాసాన్ని కాపాడుకోవడానికి మీలో పని చేస్తున్న పరిశుద్ధాత్మ, యేసు కొనిన దానిని గౌరవిస్తున్నాడు. కుమారుడైన దేవుడు మనకొరకు సంపాదించిన దానిని మనం పొందుకోవడానికి ఆత్మయైన దేవుడు మనలో పని చేస్తాడు. తండ్రి సంకల్పించాడు. యేసు దానిని కొన్నాడు. ఆత్మదేవుడు దానిని వర్తింపజేయడంలో విఫలం కాడు.

దేవుడు తన రక్తంతో కొనుగోలు చేసిన పిల్లలను చివరి వరకు కాపాడటానికి మరియు వారి శాశ్వత భద్రతకు పూర్తిగా కట్టుబడి ఉన్నాడు.