న్యాయం జరుగుతుంది

“ప్రియులారా, మీకు మీరే పగతీర్చుకొనక, దేవుని ఉగ్రతకు చోటియ్యుడి పగతీర్చుట నా పని, నేనే ప్రతిఫలము నిత్తును అని ప్రభువు చెప్పుచున్నాడని వ్రాయబడి యున్నది”. (రోమా 12:19)

మీ అందరికీ ఎప్పుడో ఒక్కసారి అన్యాయం జరిగే ఉంటుంది. మీలో చాలా మంది, బహుశా, క్షమాపణలు చెప్పని విధంగా లేదా సరిదిద్దడానికి తగినంతగా ఏమీ చేయని వారిచే తీవ్రంగా అన్యాయం చేయబడి ఉండవచ్చు.

మరియు మీరు ఆ బాధను మరియు ఆ చేదు అనుభవాన్ని విడిచి పెట్టలేకపోవడానికి లోతైన అవరోధాలలో ఒకటి, న్యాయం జరగాలి అనే దృఢ నిశ్చయం అయ్యిఉండవచ్చు, అది న్యాయబద్ధమైన నిశ్చయం. ప్రజలు భయంకరమైన తప్పుల నుండి తప్పించుకొని అందరినీ మోసగించగలిగితే విశ్వం యొక్క నైతిక బట్టలు విప్పినట్లే.

క్షమించడానికి మరియు పగను విడిచిపెట్టడానికి ఉన్న అవరోధాలలో ఇది ఒకటి. ఇది ఒక్కటే కాదు. ఎదుర్కోవటానికి మన సొంత పాపం ఉంది. ఇది కూడా నిజమైన అవరోధమే.

దాన్ని వదిలేయడం అంటే న్యాయం జరగదని అంగీకరించడమేనని మనము భావిస్తున్నాము కాబట్టి మనము దీన్ని చేయలేము.

కాబట్టి మనము కోపాన్ని గట్టిగా పట్టుకుని, సంఘటనలను లేదా పదాలను భావాలతో పదే పదే మన మనసుల్లో  ప్రదర్శిస్తాము: ఇది జరగకూడదు; అది జరగకూడదు; ఇది తప్పు; అది తప్పు. నేను చాలా దయనీయమైన పరిస్థితులలో ఉన్నప్పుడు అతను (లేదా ఆమె) ఎలా సంతోషంగా ఉంటాడు? ఇది చాలా తప్పు. ఇది చాలా తప్పు! మరియు మనము దానిని విడిచిపెట్టం. మన ద్వేషం మనల్ని విషంతో నింపేస్తుంది.

రోమా ​​12:19లోని ఈ వచనం మన నుండి ఆ భారాన్ని ఎత్తివేయడానికి దేవుడు మనకు ఇచ్చాడు.

” మీకు మీరే పగతీర్చుకొనక, దేవుని ఉగ్రతకు చోటియ్యుడి.” దీని అర్థం ఏమిటి?

కోపం యొక్క భారాన్ని తగ్గించడం, అన్యాయానికి గురయ్యామన్న భావనను పెంచి పోషించడాన్ని తగ్గించడం – దానిని వదులుకోవడం – మీకు అన్యాయం జరగలేదని అర్థం కాదు. అన్యాయం జరిగింది.

కానీ న్యాయం జరగదని కూడా దీని అర్థం కాదు. మీరు నీతిమంతులుగా తీర్చబడరని దీని అర్థం కాదు. వారు దాని నుండి తప్పించుకున్నారని దీని అర్థం కాదు. లేదు వారు తప్పించుకోలేదు.

అంటే, మీరు ప్రతీకార భారాన్ని క్రింద దించుకుంటే, దేవుడు దానిని ఎత్తుకుంటాడు.

ప్రతీకారం తీర్చుకోవడానికి ఇది నిగూఢమైన మార్గం కాదు. ఇది ఎవరికి చెందుతుందో ఆయనకు ప్రతీకారం తీర్చుకునే మార్గం. పగతీర్చుట నా పని, అని ప్రభువు చెప్పాడు. నువ్వు దానిని వదిలిపెట్టు. నేను దానిని తీసుకుంటాను. న్యాయం జరుగుతుంది.

ఎంత అద్భుతమైన ఉపశమనం. నేను ఈ భారాన్ని మోయవలసిన అవసరం లేదు. ఇది ఒక లోతైన శ్వాస తీసుకోవడం వంటిది, బహుశా దశాబ్దాలలో మొదటిసారిగా, మరియు ఇప్పుడు మీరు స్వేచ్ఛగా ఇతరులను ప్రేమించవచ్చు అనే భావన కలుగుతూ ఉండవచ్చు.