సర్వ సంతృప్తిని కలిగించేది

షేర్ చెయ్యండి:

యెహోవానుబట్టి సంతోషించుము ఆయన నీ హృదయవాంఛలను తీర్చును. (కీర్తన 37:4)

ఆనందమును అన్వేషించాలా వద్దా అనేది మన ఇష్టాయిష్టాలతో సంబంధం లేదు,  ఎందుకంటే కీర్తనలలో అలా చేయమని ఆజ్ఞాపించబడింది: “యెహోవానుబట్టి సంతోషించుము ఆయన నీ హృదయవాంఛలను తీర్చును” (కీర్తన 37:4).

కీర్తనాకారులు దీన్ని చేయడానికి ప్రయత్నించారు:
“దుప్పి నీటివాగులకొరకు ఆశపడునట్లు దేవా, నీకొరకు నా ప్రాణము ఆశపడుచున్నది. నా ప్రాణము దేవునికొరకు తృష్ణగొనుచున్నది జీవము గల దేవునికొరకు తృష్ణగొనుచున్నది” (కీర్తనలు 42:1-2).
“నీళ్లు లేకయెండియున్న దేశమందు నా ప్రాణము నీకొరకు తృష్ణగొనియున్నది నీమీది ఆశచేత నిన్ను చూడవలెనని నా శరీరము కృశించుచున్నది.” (కీర్తనలు 63:2).

మనుష్యులు “నీ మందిరము యొక్క సమృద్ధి వలన వారు సంతృప్తి నొందుచున్నారు. నీ ఆనందప్రవాహములోనిది నీవు వారికి త్రాగించుచున్నావు” (కీర్తన 36:8) అని కీర్తనాకారుడు అనటంలో అర్ధం దాహాన్ని తీర్చేది ఒకటి ఉంది అని అర్ధం.  

మన ఆరాధనకు మూలమైన దేవుని మంచితనానికి ప్రతిగా మీరు నిరాసక్తితో మీ స్తుతి చెల్లించడం భావ్యం కాదని నేను కనుగొన్నాను. లేదు, ఇది ఆనందించదగ్గ విషయం: “యెహోవా ఉత్తముడని రుచి చూచి తెలిసికొనుడి!” (కీర్తన 34:8). రుచి చూచి తెలిసికొనుడి.

” నీ వాక్యములు నా జిహ్వకు ఎంతో మధురములు అవి నా నోటికి తేనెకంటె తీపిగా నున్నవి!” (కీర్తన 119:103).

సి.ఎస్. లూయిస్ చెప్పినట్లుగా, కీర్తనలలో “సర్వ సంతృప్తిని కలిగించేది” ఎవరు అంటే దేవుడే. ఆయన ప్రజలు తనలో కనుగొన్న ” ఆనందసంతోషములు” కోసం సిగ్గు పడకుండా ఆయనను ఆరాధిస్తారు (కీర్తన 43:4). పరిపూర్ణ మరియు అంతులేని ఆనందానికి మూలం ఆయనే: “నీ సన్నిధిని సంపూర్ణసంతోషము కలదు నీ కుడిచేతిలో నిత్యము సుఖములుకలవు.” (కీర్తన 16:11).