నిజమైన జ్ఞానం గొప్ప ఆనందాన్ని తీసుకువస్తుంది

“ఆ తరువాత జనులు తమకు తెలియజేయబడిన మాటలన్నిటిని గ్రహించి … సంభ్రమముగా ఉండుటకును ఎవరి యిండ్లకు వారు వెళ్లిరి”. (నెహెమ్యా 8:12)

దేవుని విలువను మరియు దేవున్ని మహిమపరిచే ప్రేమలోని ఉత్సాహమును ప్రతిబింబించే ఆనందం కేవలం దేవుని నిజమైన జ్ఞానంలోనే వేరుపారి ఉంటుంది. అలాగే దేవుని జ్ఞానం మనకు తక్కువగాను లోపముగానుఉన్నట్లయితే, మన ఆనందం కూడా అంతే తక్కువగా ఉంటుంది.

నెహెమ్యా 8:12వ వచనంలో ఇశ్రాయేలీయులకు కలిగిన అనుభవం ద్వారా హృదయంలో దేవున్ని మహిమపరిచే ఆనందం ఎలా కలుగుతుందనేందుకు ఒక నమూనాగా ఉంది. దేవుని వాక్యాన్ని ఎజ్రా చదివి, వారికి వినిపించాడు, లేవీయులు వాటిని వివరించారు. ఆ తరువాత, ప్రజలు “సంభ్రముగా ఉండుటకు” వెళ్ళిరి.

వారు దేవుని నిజమైన మాటలను అర్థం చేసుకున్నారు కాబట్టి వారు గొప్పగా సంతోషించారు.

దేవుని వాక్యం మనకు బోధించబడినప్పుడు ఆనందంతో హృదయాలు రగిలిన అనుభవాన్ని మనలో చాలామంది రుచి చూసే ఉంటారు (లూకా 24:32). వారి సంతోషం కోసమే యేసు వారికి బోధించాడని తన శిష్యులతో ఆయన రెండుసార్లు చెప్పాడు.

• యోహాను 15:11 – “మీయందు నా సంతోషము ఉండవలెననియు, మీ సంతోషము పరిపూర్ణము కావలెననియు, ఈ సంగతులు మీతో చెప్పుచున్నాను.
• యోహాను 17:13 – “ఇప్పుడు నేను నీయొద్దకు వచ్చుచున్నాను; నా సంతోషము వారియందు పరిపూర్ణమగునట్లు లోకమందు ఈ మాట చెప్పుచున్నాను.

దేవున్ని తెలుసుకోవడానికి మరియు ఆయనయందు ఆనందించడానికి ప్రభువే, దేవుడే తననుతాను అర్పించుకోవడం అనేది ఈ మాటలో మనం గమనించాల్సిన ప్రధాన అంశమైయున్నది. “షిలోహులో యెహోవా తన వాక్కు చేత సమూయేలునకు ప్రత్యక్షమగుచు వచ్చెను” (1 సమూయేలు 3:21).

ఇక్కడ ముఖ్యమైన విషయం ఏంటంటే, మన ఆనందం దేవుని మహిమను ప్రతిబింబించాలంటే, దేవుడు ఎంత గొప్ప మహిమగలవాడనే నిజమైన జ్ఞానం నుండి అది ప్రవహించాలి. మనం దేవున్ని సరిగ్గా ఆస్వాదించాలంటే, ఆయనను నిజంగా తెలుసుకునే తీరాలి.