ఇతరులకు సేవ చేయడం ద్వారా వారికి సేవ చేయబడింది

షేర్ చెయ్యండి:

“యేసు అది యెరిగి మనయొద్ద రొట్టెలు లేవేయని మీరెందుకు ఆలోచించుకొనుచున్నారు? మీరింకను గ్రహింపలేదా? వివేచింపలేదా? మీరు కఠిన హృదయము గలవారైయున్నారా?“(మార్కు 8:17)

5,000 మందికి మరియు 4,000 మందికి కొన్ని రొట్టెలు, కొన్ని చేపలతో యేసు ఆహారం పంచిపెట్టిన తరువాత, శిష్యులు తమకోసం సరిపడే ఆహారం తీసుకోకుండా ఆ చిన్న పడవ ఎక్కారు. ఆ పరిస్థితి గురించి వారు చర్చిస్తున్నప్పుడు, “మనయొద్ద రొట్టెలు లేవేయని మీరెందుకు ఆలోచించుకొనుచున్నారు? మీరింకను గ్రహింపలేదా? వివేచింపలేదా?” (మార్కు 8:17) అని యేసు చెప్పాడు.

వారు ఏమి గ్రహించలేకపోయారు? ఇతరులను వారు బాగా చూసుకుంటే, యేసు వారిని బాగా చూసుకుంటాడనే విషయాన్ని వారు గ్రహించలేకపోయారు.మిగిలిపోయిన చేపలు మరియు రొట్టెలు ఇదే అర్థాన్ని సూచిస్తున్నాయి. అందుకే యేసు ఈ విధంగా చెప్తున్నాడు, “నేను ఆ అయిదువేలమందికి అయిదు రొట్టెలు విరిచి పంచిపెట్టి నప్పుడు మీరు ముక్కలు ఎన్ని గంపలనిండ ఎత్తితిరని వారి నడిగెను. వారు–పండ్రెండని ఆయనతో చెప్పిరి. ఆ నాలుగు వేలమందికి ఏడు రొట్టెలు నేను విరిచి, పంచి పెట్టినప్పుడు ముక్కలు ఎన్ని గంపలనిండ ఎత్తితిరని ఆయన అడుగగా వారు – ఏడనిరి. అందుకాయన – మీరింకను గ్రహింపకున్నారా? అని అనెను.” (మార్కు 8:19-21).

వారు దేనిని గ్రహించాలి? మిగిలిపోయినవాటి విషయం గ్రహించాలి. మిగిలిపోయినవన్నీ సేవ చేసినవారికే (లేక ఆహారాన్ని వడ్డించినవారికి). వాస్తవానికి, మొదటిసారి ఆహారాన్ని పంచి పెట్టినవారు పన్నెండు మంది, మిగిలిపోయిన గంపలు పన్నెండు (మార్కు 6:43), అంటే ఒక్కొక్కరికి ఒక్కొక్క గంప అన్నమాట. రెండవసారి, ఏడు గంపలు మిగిలిపోయాయి, అంటే ఏడు అనేది సమృద్ధి సంపూర్ణతకు సంఖ్యగా అర్థం చేసుకోవచ్చు.

వారు ఏమి గ్రహించలేకపోయారు? యేసు వారిని బాగా చూసుకుంటాడనే (సంరక్షిస్తాడనే) విషయాన్ని వారు గ్రహించలేకపోయారు. మీరు యేసు కంటే ఎక్కువ ఇవ్వలేరు; ఆయన దాతృత్వము సాటిలేనిది. ఇతరుల కోసం మీ జీవితాన్ని వెచ్చించినప్పుడు, మీ అవసరతలు తీర్చబడతాయి. “కాగా దేవుడు తన ఐశ్వర్యము చొప్పున క్రీస్తుయేసునందు మహిమలో మీ ప్రతి అవసరమును తీర్చును” (ఫిలిప్పీ 4:19).