మనకు మేలు చేయుటే దేవుని ఆనందం

షేర్ చెయ్యండి:

“నేను వారికి మేలు చేయుట మానకుండునట్లు నిత్యమైన నిబంధనను వారితో చేయు చున్నాను; వారు నన్ను విడువకుండునట్లు వారి హృదయములలో నా యెడల భయభక్తులు పుట్టించెదను. వారికి మేలుచేయుటకు వారియందు ఆనందించుచున్నాను, నా పూర్ణహృదయముతోను నా పూర్ణాత్మతోను ఈ దేశములో నిశ్చయముగా వారిని నాటెదను”. (యిర్మీయా 32:40–41).

దేవుడు మన నుండి ప్రశంసలు పొందడం మరియు మనం ఆయనలో ఆనందాన్ని పొందడం ఒకటే అన్వేషణ. మహిమపరచబడాలనే దేవుని తపన మరియు సంతృప్తి చెందాలనే మన తపన రెండూ ఈ ఒక్క అనుభవంలోనే నెరవేరుతుంది: దేవునిలో మనకున్న ఆనందం, స్తుతితో పొంగిపొర్లుతుంది.

దేవునికి, ఆయన స్వంత శ్రేష్ఠతను బట్టి అతని ప్రజల గుండెలలో వినిపించే మధురమైన ప్రతిధ్వనే ప్రశంసలు.

మనకు, దేవునితో సహవాసం చేయడం ద్వారా వచ్చే సంతృప్తి యొక్క శిఖరమే ప్రశంసలు.

ఈ ఆవిష్కరణ యొక్క అద్భుతమైన ఆలోచన ఏమిటంటే, దేవుని హృదయం తన స్వంత మహిమను వెంబడించేలా చేసే సర్వశక్తిమంతుని బలమే,  ఆయనలో తమ ఆనందాన్ని కోరుకునే వారి హృదయాలను సంతృప్తి పరచడానికి ఆయనను నడిపిస్తుంది. 

బైబిల్ యొక్క శుభవార్త ఏమిటంటే, దేవుడు తనపై నిరీక్షించే వారి హృదయాలను సంతృప్తి పరచడానికి అస్సలు అయిష్టపడడు. దీనికి విరుద్ధంగా: దేవుడు తన పూర్ణహృదయంతో మరియు తన పూర్ణాత్మతో ఆనందించేది మనల్ని సంతోషపెట్టగల విషయం. ఇవి అద్భుతమైన మాటలు: “వారికి మేలుచేయుటకు వారియందు ఆనందించుచున్నాను, . . నా పూర్ణహృదయముతోను నా పూర్ణాత్మతోను” (యిర్మీయా 32:41).దేవుడు, ఆయన పూర్ణ హృదయంతో మరియు ఆయన పూర్ణ ఆత్మతో, మన శాశ్వతమైన ఆనందాన్ని మనతో కలిసి వెంబడిస్తాడు, ఎందుకంటే ఆయనలోని ఆ ఆనందం యొక్క పరిపూర్ణత ఆయన స్వంత అనంతమైన విలువ యొక్క కీర్తికి అనుగుణంగా పుంజుకుంటుంది.