ఆత్మతో నేను ఎలా నింపబడగలను?

షేర్ చెయ్యండి:

“ఏలయనగా ఓర్పువలనను, లేఖనములవలని ఆదరణవలనను మనకు నిరీక్షణ కలుగుటకై పూర్వమందు వ్రాయబడినవన్నియు మనకు బోధ కలుగు నిమిత్తము వ్రాయబడియున్నవి”. (రోమా 15:4)

పరిశుద్దాత్మతో మనం ఎలా నింపబడగలం? మన చుట్టూ ఉన్నవారిని క్రీస్తు కోసం సంపాదించే విధంగా వారిని యదార్థమైన ప్రేమతో ప్రేమించడానికి  గొప్ప ఆనందంతో మనల్ని నింపే ఆత్మ శక్తిని ఎలా పొందుకోగలం? మనకు విడుదలను కలుగజేసే, మనల్ని బలపరిచే, మన మీదనూ మన సంఘం మీదనూ కుమ్మరించబడే పరిశుద్ధాత్మను మనం ఎలా అనుభవిస్తాం?

జవాబు: రాత్రింబవళ్ళు నిరీక్షణ కలిగించే సాటిలేని దేవుని వాగ్దానాలను ధ్యానించండి. రోమా 15:4వ వచనం ఇలా చెప్తుంది. “ఏలయనగా ఓర్పువలనను, లేఖనములవలని ఆదరణవలనను మనకు నిరీక్షణ కలుగుటకై పూర్వమందు వ్రాయబడినవన్నియు మనకు బోధ కలుగు నిమిత్తము వ్రాయబడియున్నవి.” పౌలు ఈ వచనంలో చెప్పినట్లుగా తన హృదయాన్ని ప్రేమ నిరీక్షణ మరియు ఆనందముతో నింపుకున్నాడు.

దేవుని వాక్యంలో ఉన్న వాగ్దానాలను ధ్యానం చేయడం ద్వారా నిరీక్షణకు సంబంధించిన సంపూర్ణ నిశ్చయత కలుగుతుంది. ఈ మాట పరిశుద్ధాత్ముడు మనకు నిరీక్షణను కలుగజేస్తాడు అని తొమ్మిది వచనాల తర్వాత (రోమా 15:13లో) చెప్పబడిన మాటతో విబేధించదు. ఎందుకంటే పరిశుద్ధాత్ముడు లేఖనాలన్నీ వ్రాసిన దైవిక గ్రంథకర్త. ఆయన వాక్యమే ఆయన కార్యానికి సాధనం. తాను రాయించిన వాక్యంలో ఉన్న వాగ్దానాలతో మనల్ని నింపుట ద్వారా ఆయనే మనకి నిరీక్షణనిస్తాడు. కాబట్టి ఈ మాటతో ఎవరూ విభేదించలేరు.

కడుపు నొప్పి వచ్చినట్లుగా నిరీక్షణ అనేది ఎక్కడినుండో వచ్చే ఏదో ఒక అస్పష్టమైన భావోద్రేకం కాదు. నిరీక్షణ అనేది ఆత్మ వాక్యము ద్వారా మనకు వాగ్దానము చేయబడిన నిజంగా జరగబోయే అద్భుతమైన భవిష్యత్తుకు సంబంధించిన నిశ్చయత. అందుచేత, ఆత్మతో నింపబడటమంటే ఆయన వాక్యంతో నింపబడటమే. ఆత్మ శక్తిని కలిగి ఉండటమంటే దేవుని వాక్యములోని వాగ్దానాలను నమ్మడమే.

ఎందుకంటే, వాగ్దాన వాక్యం మనల్ని నిరీక్షణతో నింపుతుంది, నిరీక్షణ మనల్ని ఆనందంతో నింపుతుంది, మరియు ఆ ఆనందం మనం మన పొరుగువారిని ప్రేమించే శక్తిలోనూ స్వాతంత్ర్యంలోనూ పొంగిపొర్లుతుంది. అదే పరిశుద్ధాత్ముని సంపూర్ణతయై యున్నది.