ఆలస్యమైన విడుదలలు
“అప్పుడు అకస్మాత్తుగా మహా భూకంపము కలిగెను, చెరసాల పునాదులు అదరెను, వెంటనే తలుపులన్నియు తెరచుకొనెను, అందరి బంధకములు ఊడెను”. (ఆపొ. కార్య 16:26)
ఈ కాలంలో, దేవుడు తన ప్రజలను కొంతవరకు అపాయం నుండి కాపాడుతున్నాడే గాని సమస్త అపాయం నుండి కాదు. ఆ విషయం తెలుసుకోవడం ద్వారా కాస్త ఊరట కలుగుతుంది, ఎందుకంటే మనం పొందే అపాయం ద్వారా దేవుడు మనల్ని మరచిపోయాడని లేక తిరస్కరించాడని మనం ఒక నిర్ణయానికి వచ్చే అవకాశం ఉంది.
అపొ. కార్య 16:19-24 వచనాలలో ఉన్నటువంటి విషయం ద్వారా ప్రోత్సహించబడండి; ఇక్కడ పౌలు మరియు సీలలు బంధకాల నుండి విడిపించబడలేకపోయారు, అయితే 25-26 వచనాలలో వారు విడుదల పొందుకున్నారు.
మొదటిగా, విడుదల లేదు:
- “పౌలును సీలను పట్టుకొని గ్రామపు చావడిలోనికి అధికారులయొద్దకు ఈడ్చుకొనిపోయిరి.” (19వ వచనం)
- “న్యాయాధిపతులును వారి వస్త్రములు లాగివేసిరి.” (22వ వచనం)
- “వారు చాల దెబ్బలు కొట్టి వారిని చెరసాలలోవేసి…” (23వ వచనం)
- “అతడు అట్టి ఆజ్ఞనుపొంది, వారిని లోపలి చెరసాలలోనికి త్రోసి, వారి కాళ్లకు బొండవేసి బిగించెను.” (24వ వచనం)
వీటన్నిటి తర్వాత విడుదల లభించింది:
అయితే మధ్యరాత్రివేళ పౌలును సీలయు దేవునికి ప్రార్థించుచు కీర్తనలు పాడుచునుండిరి; ఖయిదీలు వినుచుండిరి. అప్పుడు అకస్మాత్తుగా మహా భూకంపము కలిగెను, చెరసాల పునాదులు అదరెను, వెంటనే తలుపులన్నియు తెరచుకొనెను, అందరి బంధకములు ఊడెను. (25-26 వచనాలు)
దేవుడు త్వరగానే జోక్యం చేసుకొని ఉండాల్సింది. కానీ ఆయన జోక్యం చేసుకోలేదు. ఆయనకుండే కారణాలు ఆయనకుంటాయి. ఆయన పౌలు, సీలను ప్రేమిస్తున్నాడు.
ఇప్పుడు మీకొక ప్రశ్న: పౌలు ప్రారంభంలో పొందుకున్న శ్రమలు, ఆ తర్వాత విడుదలను పొందినట్లుగా, మీ జీవితంలో కూడా ఇటువంటి పరిస్థితుల గుండా తరుచుగా వెళ్తున్నట్లయితే, మీ స్థితి ఏమిటి? మీరు విడుదల పొందని స్థితిలో ఉన్నారా, లేక తలుపులు విశాలముగా తెరువబడిన స్థితిలో ఉన్నారా?
ఆ రెండు స్థితులు, మిమ్మల్ని కాచికాపాడే దేవుడి వేదికలే. ఆయన మిమ్మల్ని విడువడు, ఎడబాయడు (హెబ్రీ 13:5).
మీరు బంధకాలలో ఉన్నట్లయితే, నిరాశ చెందవద్దు. పాటలు పాడండి. విడుదల దగ్గరలోనే ఉంది. ఈ బంధకాలు కేవలం కొంతకాలం మాత్రమే. ఆ విడుదల మరణం ద్వారా కూడా రావచ్చు. “మరణమువరకు నమ్మకముగా ఉండుము. నేను నీకు జీవకిరీటమిచ్చెదను” (ప్రకటన 2:10).
జాన్ పైపర్
జాన్ స్టీఫెన్ పైపర్ ఒక అమెరికన్ రిఫార్మ్డ్ బాప్టిస్ట్ వేదాంతవేత్త, పాస్టర్ మరియు మిన్నెసోటాలోని మిన్నియాపాలిస్లోని బెత్లెహెం కాలేజ్ మరియు సెమినరీ ఛాన్సలర్. పైపర్ 33 సంవత్సరాలు మిన్నియాపాలిస్లోని బెత్లెహెమ్ బాప్టిస్ట్ చర్చిలో బోధించడానికి మరియు దర్శనానికి పాస్టర్గా పని చేసే ముందు, బెతేల్ విశ్వవిద్యాలయంలో ఆరు సంవత్సరాలు బైబిల్ అధ్యయనాలను బోధించాడు.
సంబంధిత ధ్యానాలు...
ఇప్పుడు ట్రెండింగ్లో ఉంది
సంస్కరణ
"సంస్కరణ" వాట్సాప్ ఛానెల్
క్లిక్ చెయ్యండి👆🏿
"సంస్కరణ" ఫేస్బుక్
క్లిక్ చెయ్యండి👆🏿
"సంస్కరణ" ఇన్స్టాగ్రామ్
క్లిక్ చెయ్యండి👆🏿
చిరునామా:
మియాపూర్, హైదరాబాద్, తెలంగాణ.
ఫోన్:
9866436426, 9958799659, 9151519121
ఇమెయిల్:
samskarana2024@gmail.com
©Samskarana – Made with❤️by ABNY Web