“ఈయనయైతే ఇప్పుడు మరియెక్కువైన వాగ్దానములనుబట్టి నియమింపబడిన మరి యెక్కువైన నిబంధనకు మధ్యవర్తియై యున్నాడు గనుక మరి శ్రేష్ఠమైన సేవకత్వము పొందియున్నాడు”. (హెబ్రీయులు 8:6)
హెబ్రీయులు 8:6 ప్రకారం క్రీస్తు కొత్త నిబంధనకు మధ్యవర్తి, అయితే దాని అర్ధం ఏమిటి? ఆయన రక్తము – నిబంధన రక్తము (లూకా 22:20; హెబ్రీయులు 13:20) – తుదకు మరియు నిశ్చయముగా దేవుని వాగ్దానాల నెరవేర్పును కొని మన కొరకు భద్రపరుస్తుందని అర్థం.
దేవుడు, కొత్త నిబంధన వాగ్దానాల ప్రకారం, క్రీస్తు యొక్క ఆత్మ ద్వారా మన అంతరంగంలో పరివర్తనను తీసుకువస్తాడని అర్థం.
దేవుడు క్రీస్తులో మన పక్షాన ఉన్నాడనే విశ్వాసం ద్వారా మనలో ఈ పరివర్తనను తెస్తాడు అని దీని అర్థం.
కొత్త నిబంధన క్రీస్తు రక్తం ద్వారా కొనుగోలు చేయబడింది, క్రీస్తు ఆత్మ ద్వారా అమలు చేయబడుతుంది మరియు క్రీస్తుపై విశ్వాసం ద్వారా పొందబడింది.
క్రీస్తు కొత్త నిబంధనకు మధ్యవర్తిగా పనిచేయడాన్ని హెబ్రీ 13:20-21లో చూస్తాం:
గొఱ్ఱల గొప్ప కాపరియైన యేసు అను మన ప్రభువును నిత్యమైన నిబంధన సంబంధమగు రక్తమునుబట్టి మృతులలోనుండి లేపిన సమాధానకర్తయగు దేవుడు, యేసు క్రీస్తుద్వారా తన దృష్టికి అనుకూలమైనదానిని మనలో జరిగించుచు, ప్రతి మంచి విషయములోను తన చిత్తప్రకారము చేయుటకు మిమ్మును సిద్ధపరచును గాక. యేసుక్రీస్తుకు యుగయుగములకు మహిమ కలుగునుగాక. ఆమేన్‌.
“తన దృష్టికి అనుకూలమైనదానిని మనలో జరిగించుచు” అనే మాటలు, దేవుడు కొత్త నిబంధనకు అనుగుణంగా మన హృదయాలపై ధర్మశాస్త్రాన్ని వ్రాసినప్పుడు ఏమి జరుగుతుందో వివరిస్తుంది. మరియు “యేసుక్రీస్తు ద్వారా” అనే మాటలు సార్వభౌమ కృపతో కూడిన ఈ మహిమాన్వితమైన పనికి యేసును మధ్యవర్తిగా వర్ణిస్తాయి. కాబట్టి, క్రిస్మస్ యొక్క అర్థం ఏమిటంటే దేవుడు, ఛాయలను వాస్తవికతతో భర్తీ చేయడమే కాదు కానీ ఆయన వాస్తవికతను తీసుకొని తన ప్రజలకు దానిని నిజం చేస్తాడు. ఆయన దానిని మన హృదయాలపై వ్రాస్తాడు. ఆయన రక్షణ మరియు పరివర్తన యొక్క క్రిస్మస్ బహుమతిని మీరు మీ స్వంత బలంతో తీయటానికి చెట్టు కింద పెట్టడు. ఆయన దానిని ఎంచుకొని మీ హృదయంలో మరియు మీ మనస్సులో ఉంచుతాడు మరియు మీరు దేవుని బిడ్డ అనే నిశ్చయతను అనుగ్రహిస్తాడు.
