మనకు పరిచర్య చేసే యేసు

షేర్ చెయ్యండి:

“మనుష్య కుమారుడు పరిచారము చేయించుకొనుటకు రాలేదు గాని పరిచారము చేయుటకును, అనేకులకు ప్రతిగా విమోచన క్రయధనముగా తన ప్రాణము ఇచ్చుటకును వచ్చెననెను”. (మార్కు 10:45)

యేసుక్రీస్తు భూమిపై జీవించినప్పుడు తన ప్రజలకు సేవకుడిగా ఉండడమే కాకుండా, ఆయన మళ్లీ తిరిగి వచ్చినప్పుడు కూడా మనకు సేవకుడుగా వుంటాడు. “అతడు [యేసు] నడుము కట్టుకొని వారిని భోజన పంక్తిని కూర్చుండబెట్టి, తానే వచ్చి వారికి ఉపచారము చేయునని మీతో నిశ్చయముగా చెప్పుచున్నాను.” (లూకా 12:37). యేసు తిరిగి వచ్చినప్పుడు ఏమి చేస్తాడో ఇక్కడ చెప్పబడింది.

అంతేకాదు ఇప్పుడు కూడా యేసు మన సేవకుడు. “ ఏమాత్రమును విడువను, నిన్ను ఎన్నడును ఎడబాయను.’ కాబట్టి మనం నమ్మకంగా చెప్పగలం, ‘ప్రభువు నాకు సహాయుడు, నేను భయపడను, నరమాత్రుడు నాకేమి చేయగలడు?’’. (హెబ్రీ 13:5-6)

యేసుక్రీస్తు గతంలో తన ప్రజలకు సేవకుడిగా ఉన్నాడు, ఇప్పుడు ఉంటున్నాడు మరియు ఎప్పటికీ ఉంటాడని చెప్పడం క్రీస్తు పునరుత్థానమును కించపరిచినట్టా?

“సేవకుడు” అంటే “ఆజ్ఞలు తీసుకునేవాడు” అని అర్థం చేసుకున్నట్లయితే, లేదా మనం ఆయన యజమానులమని భావించినట్లయితే అది ఆయనను అగౌరవపరుస్తున్నట్లే, కానీ మనం బలహీనులమని, ఆయన సహాయం అవసరమని చెప్పడం ఆయనను అగౌరవపరచడం కాదు.

మన గొప్ప అవసరాల నిమిత్తమై సేవ చేయగలిగేది యేసుక్రీస్తు మాత్రమే అని చెప్పడం ఆయనను అగౌరవపరచదు.

యేసుక్రీస్తు ప్రేమ తరగని నీటి ఊట. ఆయన మనకు ఎంత ఎక్కువ సహాయం చేస్తే ఆయన సేవపై మనం అంత ఎక్కువగా ఆధారపడతాము. ఆయన దయచేసే వనరులు మనకి అంత అద్భుతంగా కూడా కనిపిస్తాయి. ఇలా చెప్పడం యేసుక్రీస్తుని అగౌరవపరచడం కాదు. కాబట్టి, “మనకు సేవ చేయడానికి యేసుక్రీస్తు సజీవంగా ఉన్నాడు!” అని మనం ఎంతో నిశ్చయంగా చెప్పగలం.

క్రీస్తు రక్షించడానికి సజీవంగా ఉన్నాడు. ఇవ్వడానికి సజీవంగా ఉన్నాడు. మరియు ఆయన ఈ విధంగా ఉన్నందుకు ఆనందిస్తున్నాడు.

మీ చింత ఆయనకు భారం కాదు. మనపై భారం మోపేవాడుగా కాక, మన భారం మోసేవాడుగా ఆయన ఉంటాడు. “తన కొరకు కనిపెట్టువాని విషయమై” పని చేయుటకు ఇష్టపడును (యెషయా 64:4). ఆయన “… తన కృప కొరకు కనిపెట్టు వారియందు యెహోవా ఆనందించువాడై యున్నాడు” (కీర్తన 147:11). “తనయెడల యధార్థ హృదయము గలవారిని బలపరుచుటకై యెహోవా కనుదృష్టి లోకమందంతట సంచారము చేయుచున్నది.” (2 దిన 16:9)

తనయందు నమ్మికయుంచు ప్రతి ఒక్కరి నిమిత్తము, యేసుక్రీస్తు సర్వశక్తితో సంతోషముగా సేవించుచున్నాడు.