మనిషికి భయపడే నేరం

షేర్ చెయ్యండి:

“సౌలు సమూయేలుతో, “జనులకు జడిసి వారి మాట వినినందున నేను యెహోవా ఆజ్ఞను నీ మాటలను మీరి పాపము తెచ్చుకొంటిని”. (1 సమూయేలు 15:24)

సౌలు దేవునికి బదులు ప్రజలకు ఎందుకు లోబడ్డాడు? ఎందుకంటే అతడు దేవునికి బదులు ప్రజలకు భయపడ్డాడు. అతను అవిధేయత వలన వచ్చే దైవిక పరిణామాలకు భయపడిన దానికంటే అవిధేయత యొక్క మానవ పరిణామాలకు భయపడ్డాడు. అతను దేవుని అసంతృప్తి కంటే ప్రజల అసంతృప్తికి ఎక్కువగా భయపడ్డాడు. అది దేవునికి గొప్ప అవమానం.

నిజానికి, దేవుని వాగ్దానాలను మనం విస్మరించి మనుషులు ఏమి చేస్తారో అని భయపడడం ఒక రకమైన గర్వమని యెషయా చెప్పాడు. అతను ఈ గుచ్చుకునే ప్రశ్నతో దేవుణ్ణి ఉటంకించాడు: “నేను నేనే మిమ్ము నోదార్చువాడను చనిపోవు నరునికి తృణమాత్రుడగు నరునికి ఎందుకు భయపడుదువు?. . . నీ సృష్టికర్తయైన యెహోవాను మరచుదువా?” (యెషయా 51:12-13).

మనుష్యుల భయం గర్వంగా అనిపించకపోవచ్చు, కానీ దేవుడు చెప్పేదేమిటంటే, “మనుష్యులకు భయపడి, నిన్ను సృష్టించిన నన్ను మరచిపోవడానికి మీరు ఎవరని అనుకుంటున్నారు!”

విషయం ఏమిటంటే: మీరు మనిషికి భయపడితే, మీరు దేవుని మరియు ఆయన కుమారుడైన యేసు యొక్క పవిత్రతను విలువను తిరస్కరించడం ప్రారంభించినట్టే. దేవుడు మనిషి కంటే అనంతమైన బలవంతుడు. ఆయన అనంతమైన తెలివైనవాడు మరియు అనంతమైన ప్రతిఫలంతో మరియు ఆనందంతో నిండి ఉన్నాడు.

మనిషి ఏమి చేస్తాడో అనే భయంతో దేవుని నుండి తిరగడం అంటే తనకు భయపడే వారికి ఆయన వాగ్దానం చేసినవాటి విలువను తగ్గించడమవుతుంది. ఇది దేవునికి గొప్ప అవమానం. మరియు అలాంటి అవమానంలో దేవుడు సంతోషించలేడు.మరోవైపు, మనం దేవుని వాగ్దానాలను విని, మన అవిశ్వాసం వల్ల దేవునిపై రాబోతున్న నిందకు భయపడి ధైర్యంగా ఆయనను విశ్వసించినప్పుడు, ఆయన గొప్పగా గౌరవించబడతాడు. మరియు దానిలో ఆయనకు చాలా ఆనందం ఉంది.